何韻詩噚日喺九龍灣出席商台活動，佢話自己最拿手係整心形芝士蛋糕，至於密友容祖兒有冇食過佢嘅愛心蛋糕？阿詩話：「有，好多朋友都食過，不過唔係專登整畀佢食，係佢喺髮型屋路過先至有得食。」當問到阿詩幾耐冇整嘢畀愛人食？佢承認已經有好耐冇整過，仲話希望快啲有機會，因為佢𠵱家都蠢蠢欲動想整多啲嘢食。