自從《向世界出發》播出林燕妮姐姐去韓國寺廟做短期修行後，身邊朋友好似一下子被點醒，話去旅行食買玩太庸俗，應該嚟趟體驗人生、洗滌心靈先夠意思。其實韓國短期修行並非新鮮玩意，官方旅遊局統籌嘅TempleStay計劃大大話話搞咗6年，現時全國近90間寺廟都有提供半日至四天不等行程，遍佈首爾、仁川及濟州等城市，內容包括禪修、茶道、冥想、義工、佛經、寺廟禮儀等，收費約$400。個別寺廟更有特別節目如製作蓮燈、古蹟導賞等，選擇豐富，後生仔女去都唔怕悶。我已經計劃聖誕請阿媽去修行，佢去洗滌心靈，我去明洞清洗荷包，大家happy！
記者：劉嘉蕙
網址：http://eng.templestay.com/ （英文版）