正方
「3隻蠢豬走甩咗，兩隻不知所蹤搵唔番，一隻正在睇sms……」原來一個sms確可震撼全港，東亞銀行遭殃成受害者；資訊發達可成災。自討論區若干年前興起，公眾人物比起10年前很易就受到四方八面五湖四海的攻擊，講波佬尤其被轟得體無完膚，慘變豬八戒照鏡子——裏外不是人，以往阿叔的至尊地位彷彿成了永世經典。
中國人從來不認同讚美就是美德。講波佬職責是帶觀眾投入比賽、分析戰況或加添場外笑料，讓寂寞的觀眾不致「一個人睇波」那麼難耐，惟每個人畢竟是獨立個體，自然各有觀點，觀眾睇波為求開心，又何需青筋暴現，論盡他人祖宗？
筆者不認為全部講波佬都具資格及質素成為「專業評述員」，但批評容易欣賞難，我們可想過，若然身在公仔箱之中，你又會如何「講」？當然，每個講波佬總有缺點，知錯能改已足夠。
筆者沒有收受利益，無意為業界辯護，但天知每日破口大罵的你我他將來不會成為講波佬呢？
【阿呢斯奧】
mailto:[email protected]
反方
大概只有獨裁者不許人家批評，講波佬不是獨裁者，連尼加、阿倫漢臣、魯殊等一代名將講波，同樣有人讚有人彈。批評不等同惡意攻擊，何須退避？
電視體育節目是商品，明碼實價你肯賣我肯買，聽到講波佬獨到的評述，我必豎起耳朵細聽；反之聽到講波佬說教、矯情，嘮嘮叨叨硬要人囫圇吞棗「啃」麻木數據，定當反胃噴飯。批評不過是消費者應有權利，你到快餐店吃到不潔之物也會投訴、舉報，縱容之舉既消極又累人累物。
誰不想名氣響徹雲霄，像外國講波佬般個個有江湖地位？有批評有反思，有反思有進步。到某天當本地講波佬不再收到批評、投訴，才應該害怕，因人家可能已轉聽英語評述。
有批評自然有建議，區區心目中的理想講波佬也好、寫波佬也好，應具備一點就亮的細緻思維、聰明帶世故，謹慎帶誠摯──寥寥幾字已難以登天，然而登天也得照辦。
本地出色的體育評述員或新聞工作者，何止徐先生一人，謹此與各行家共勉。
【藍鑽石】
mailto:[email protected]