管家仔林峯前晚在銅鑼灣為新碟《YourLove》舉行簽名會，吸引逾百名fans及市民圍觀。林峯表示首批一萬張新碟推出後反應很好，已加推第二批，他說：「第一批時我想攞100隻送畀親友都冇，希望今次有。」
新碟成績佳
林峯又坦言今次成績比上一張唱片好，他不諱言道：「今次好多謝無綫，因為《家好月圓》又收得，角色又討好，對張碟有好大幫助。」記者指無綫一向痛錫林峯，令他成為今屆台慶頒獎禮視帝大熱，不過下月林峯將返內地拍劇搵真銀，問到他為何不留在香港保持曝光率爭視帝？林峯笑說：「都畀時間我搵真銀搵老婆本，不過台慶前我一定返香港。」
此外，林峯昨日到將軍澳出席劇集宣傳，對於陳鍵鋒近日與無綫總經理陳志雲到冰島拍特輯而上位，問到他會否擔心視帝獎項有變數？林峯說：「其實最緊要觀眾鍾唔鍾意個角色，自己冇擔心有乜嘢變數，我所知陳鍵鋒一早就有份做呢個特輯。」
採訪、攝影：何永寧、楊潔雯