鬼束過勞取消個唱

鬼束過勞取消個唱

啱啱喺上月推出新細碟嘅日本女歌手鬼束千尋,因為過勞而身體不適,前日喺官方網站宣佈全面取消下月12號開鑼、相隔6年舉行嘅5場日本巡迴騷。佢話呢個係同醫生商量後嘅痛苦決定,佢自己都覺得好可惜,並向歌迷道歉,仲承諾休養好身體後再以歌會友。鬼束喺04年亦試過因為身體不適而暫別樂壇。