佘詩曼和鄭嘉穎的緋聞近日傳得熱烘烘，日前有傳8號風球期間阿佘坐嘉穎車到男方位於西貢南圍的家，但遇水浸被困車內，最後阿佘要涉水而行。前晚阿佘和林保怡到中環出席汽車雜誌慶祝酒會，問阿佘水浸被困是否屬實？她說：「已經講咗，唔想講。」有記者指嘉穎每談到二人緋聞都黑面，阿佘笑着說：「我唔知佢大唔大方，你問番佢，我唔知你哋同佢做訪問點情況，或者我白（指膚色），佢黑啲咋。」至於嘉穎車輛因水浸被拖走，阿佘會否接載他？她不耐煩地說：「唔使我車，唔講，越問越過份。」
陳錦鴻讚浩民
另外，無綫劇集《搜神傳》昨日在將軍澳宣傳，阿佘舊愛陳浩民甩底，不少報道指陳浩民花弗，又經常流連夜店，但拍檔陳錦鴻力撐他說：「陳浩民係一個好男仔，如果我身邊有人要搵對象，我都會做紅娘。未結婚梗係未定性啦！要識多啲異性先可以搵到對象。」
採訪：張俊銘、何慧斯
攝影：陳慧安