樂壇阿姐麥當娜（Madonna）嘅巡迴演唱會正舉行得如火如荼，仲話明年有機會嚟埋香港。不過三星期前娜姐喺英國溫布萊體育館演出時，因為遲出場而令演出超時40分鐘，結果被場館方面罰款13.5萬英鎊，差唔多近200萬港紙，據知身家豐厚嘅娜姐今次都覺得好肉痛。其實上年佐治米高（GeorgeMichael）喺嗰度演出時亦因超時被罰180萬港元，好心佢哋下次準時開場啦！