獨立議員有個慣例，會組成鬆散同盟埋堆，以前有「早餐派」，回歸後稱為「泛聯盟」，新一屆又變身，何鍾泰噚日透露，已改名做「專業會議」，英文名稱ProfessionalForum。對於呢個新名稱，佢表現好自豪，因為係佢諗出嚟。
改做乜名其實無所謂，都係換湯不換藥，成員都係何鍾泰、石禮謙及劉秀成等幾人，暫時答應加入新丁僅老鼠芬，其他人仍在考慮中。何鍾泰表示，「專業會議」同泛聯盟運作模式差唔多，唔會綑綁式投票。「專業會議」總算埋到班，詹培忠發起嘅同盟似乎冇乜進展，至今只有「法律超人」跟隊，老詹噚日話有幾個議員有興趣加入，名字不便透露，免生枝節。