近期氣勢轉弱，中車仔都無用
周中波好少咁正路，證季初球員體力正強
西甲有大魚腩，賭友必歡迎
網誌日期：2008-9-26
還記得39歲嘅韋達斯，上季喺升班附加賽決賽一箭定江山，助綽號「老虎」嘅侯城勇取升上英超聯得到嘅三千多萬鎊大支票；最近這位大功臣在自己嘅「部落」埋怨無傷無病，但連18人出場名單都無份，話自己慘情到有糧出冇汗出（晒命？），要在周末溜狗打發時間，近18年比賽生涯，首遇這種經歷。
英冠同超聯嘅差距有幾大，各有說法，級數更高嘅老牌射手菲臘斯就醒目啲，寧願留喺英冠踢伯明翰，而拒絕跟隨西布朗升班。
無論你踢法如何，現今頂級足球賽事難以避免全場奔走，領隊們亦唔敢玩嘢，無可能喺季初搵啲「家有一老」出嚟撐場，韋達斯續約前應該已很清楚；球員更易早熟早殘，你睇吓22歲嘅朗尼個樣便知一二，韋達斯唔想白𢭃人工，可考慮玩巴甲，37歲嘅艾蒙度都仲打緊華斯高，之前羅馬里奧都玩到42歲。
侯城今周將會作客阿仙奴，牌面輸咗9成，還望領隊菲爾布朗將韋達斯放番喺後備席上，讓後者看看另一邊廂，一大堆16、17歲嘅小「兵」正等候猛虎出柙，便會知道老「虎」早應在季前光榮引退。
蘋果波神個人資料
英國足球狂熱，願能年年去朝拜。
（逢周一至周五見報）