黃秋生和譚耀文等昨日到中環，出席香港亞洲電影節2008記者招待會，其中邱禮濤執導、秋生和黃婉伶主演的《我不賣身我賣子宮》將成為開幕電影。剛拍罷《金錢帝國》的秋生於片中再扮警察，他說：「香港電影有乜嘢新意吖，扮警察又係嗰班人，扮黑社會又係嗰班人。」
讚陳冠希乖
提到早前有消息指他赴《金瓶梅》片場探班，及送日本女演員若菜光回酒店，他回應說：「其實我哋喺唔同地方拍戲，不過一齊食飯，佢間酒店同我嗰間同一條街，佢冇車先送埋佢。」提到陳冠希修心返學，他說：「佢不嬲都好乖，以前係俾你哋搞到唔乖啫，之前佢都有打電話畀我，不過我做緊嘢聽唔到。」
另外，譚耀文下月將拍攝中央台劇集，問到可擔心毒奶事件影響現時已22月大的囝囝時，他說：「自己又唔係好擔心，因為一直都有贊助，𠵱家反而係擔心病菌多啲。」
採訪、攝影：張俊銘