由澳洲返咗嚟成個禮拜，真係覺得嗰邊嘅生活節奏好慢，成日都好悠閒咁，相比起香港呢個咁急促咁趕嘅社會，兩個地方分別認真大。但係畢傑家在香港心在香港，從未諗過要到外國做嘢生活，因為識我嘅人都知，屋企人對我嚟講真係最重要。
肥仔成日話我𠵱家學人玩股票，初初玩梗係要交啲學費（其實我10年前已經玩緊，只不過停咗9年咋嘛），點知真係俾佢講中，澳洲返嚟唔見咗幾皮嘢。好彩我買嗰隻升番廿蚊，總算未致入肉。股票唔係我強項，但賭波一定係，〈畢賭翁〉4連勝唯我獨尊，巴塞打吡要捧。
主客和：巴塞隆拿勝
心得：西班牙波喎
近5場往績：WWWW
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。