病向淺中醫，呢行職業病有時都幾庸人自擾！腰痠骨痛一般打工仔都有唔在講，最神經質係同朋友講起波經，總係情不自禁否定他人論點：「國米唔係踢5人防線，文仙尼冇踢後衞好耐！」更無厘頭係經常「更正」球員名字，例如友人甲：「祖記個廸亞拉好似冇乜點踢。」「你話施素高呀？唔係黑人都叫廸亞拉嘅。」
每次去茶餐廳睇波，聽到隔籬啲賭友話：「我買咗『皇家馬德里體育會』單W，5,000……」大佬呀，咁即係想買皇家馬德里，定馬德里體育會呀？此時此刻，內心真係痛心疾首。
好彩，今期呢場波包你唔會讀錯，費‧倫‧天‧拿W硬！
主客和：費倫天拿勝
心得：費倫熱熱哋單W好味
近5場往績：LLWW
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。