台灣人氣組合飛輪海嘅成員吳尊，早前同蔡卓妍（阿Sa）合作拍新片《武俠梁祝》，兩人喺拍攝期間仲傳出緋聞，不過小瑪歌就覺得係宣傳居多。之前吳尊同阿Sa拍咗場落水戲，當日吳尊為求有更好效果，主動要求除咗上衣赤膊上陣，吳尊一向有健身，所以當佢一除衫就成為焦點，連阿Sa都忍唔住望多兩眼，搞到吳尊好尷尬，即時面紅耳熱。