呢排社會出現大大小小嘅恐慌，個個做咗驚弓之鳥，面口難看，幸好愛隊阿仙奴呢排好爭氣，令我士氣一振，希望小弟嘅貼士都可以維持勁勢益波友。今周重點推介，捧回降英冠嘅雷丁，主場殺低從甲組升上來嘅史雲斯，單W穩再補「讓球主客和」的「主勝」。
史雲斯周中耗力巨
上周用川崎前鋒做重心之選，結果輸波令成份貼士表玩完，但我不認為小注用重心隊串射嘅策略有失誤，只是捧錯回落嘅前鋒而已，亦再一次證明小弟對日職聯認識不夠，冇信心無謂害人，以後都係少掂呢個聯賽。結餘回跌至開倉價，今次不敢怠慢，要以英冠作重心出擊。
捧雷丁贏史雲斯，一啲都唔難下筆，最重要小弟認為今周賽事，要多留意周中在聯賽盃出局嘅球隊，回師聯賽嘅部署，當中以雷丁周六出擊，誠意同體力必屬最足，勢必反底。領隊郭甫一向不重視視為第三級嘅聯賽盃，怕損耗戰力兼影響回升英超部署就大件事，故周中作客英超史篤城，雖然話要戰至120分鐘兼射埋12碼輸波好傷；但實情係同對上一場聯賽比較，換咗10個位置踢，主力如射手奇雲杜里（今季７戰聯賽入６球）、中場史堤芬亨特及門將夏尼曼等全部豹隱，無非留力要在聯賽續拼上前列。
串埋列斯聯阿仙奴
雷丁勝在人腳變動較少，今季主場更3戰3勝入12球失2球，在英冠踢有超班feel；今對周中聯賽盃耗力贏卡廸夫城，揚威威爾斯打吡嘅史雲斯，大勝可期，再補一注2.8倍「主勝」。
另一注取愛隊列斯聯，今周在英甲對包尾嘅赫里福特聯，射手碧福特又係數糊時候，串埋到一眾大佬出番場嘅阿仙奴大炒侯城啦。
近5場往績：LWWL
蘋果波神
水準有目共睹，長跟必有着數。