奶粉、白兔糖、熊仔餅，大家一直以為理所當然嘅嘢，原來都有唔同程度嘅殺傷力。周中捱夜睇意甲，發覺理想當然嘅後備兵原來都有「殺傷力」。
祖記贏唔到卡坦尼亞，但我好耐之前已經同畢傑講過，足以搶走尼維特或廸比亞路正選嘅基奧雲高，成場最搶鏡，除咗傳過靚波畀阿馬利頂入，幾次左路硬爆都有威脅，未來肯定光芒四射。
另一個係AC嘅波里路，季前任你數，都未必數到佢咁突出，好衰唔衰佢喺打吡戰前受傷，踢唔到點算？唔怕，近年米蘭打吡場場「大」，今次一樣。大細講完，呢場勝負貼乜？明日至講。
入球大細：AC米蘭大
心得：擔定凳睇入球騷
近5場往績：WLLW
藍鑽石
與簡拿華路同日出生嘅囡囡入學，今季大把時間睇波，尤其係意甲。