股市升幅回軟，呢邊〈早飛2+5〉仍然一蹶不振，上期推介維拉開「大」啫，點知俾領隊奧尼爾玩死，正選名單收起大勇嘅艾邦拉荷同占士米拿，結果早飛倉又瀨嘢。畢傑唔忿氣再請纓孭飛，揀咗隻近期優質藍籌馬體會，博吓周日主場擊敗西維爾。
馬體會季前大事擴軍，更銳意大執嗰條一向不穩嘅防線，只要睇吓佢哋近3場主場分別同以4:0大勝史浩克04、馬拉加同維爾瓦，就知喺卡達朗球場演出穩定。嚟緊周日迎戰西維爾，除繼續有射手科蘭養傷外，中場文尼捷加入最新傷兵名單，而沙保沙就要通過最後體測，先知出唔出到場。
阿古路「弗」到漏
我認為統統唔緊要！馬體會前線有個大勇嘅阿古路已夠殺，呢位阿根廷國腳今季已幫球隊入咗5球，近期「弗」到震。冇科蘭？近兩場入3球嘅龐高尼可頂替。冇文尼捷？有魯爾加西亞噃。沙保沙趕唔切傷癒？又有麥斯洛廸古斯啫。總之，我對當頭起嘅馬體會充滿信心。
西維爾就唔同喇，季前走咗3件主力丹尼爾、施度基達同保臣，開季4場聯賽雖得2勝2和，但對手僅為桑坦德、希杭同貝廸斯等下游分子。上場2:0擊敗愛斯賓奴又如何？對手冇咗中場大腦廸拉彭拿同隊長達蒙度，又有主力尼亞拿離隊過檔利物浦，主場贏波實屬正常。
西軍踏凶地等劏
西維爾今周有連拿度同艾廸安奴因傷缺陣，左翼快馬廸亞高卡普態沉，路爾斯法比安奴又未喺「托弗」狀態，料難與勢盛嘅馬體會抗衡。更何況，卡達朗球場一向是西維爾嘅凶地，近5屆聯賽嚟到馬體會主場只得1勝4負。今屆馬體會實力係近季中最強，西維爾今年再輸絕對唔奇，唔貪心揀1.9倍主W已夠分頭，另我再貼贏3:1波膽。
〈早飛倉〉
主菜：星期日58馬德里體育會勝（1.9）@700
混水摸魚過關：星期六15波琴大（1.62）x星期日21樸茨茅夫大（1.9）2x1@300
今日早餐價錢：-$1,000
上日賺蝕：-$1,500
早飛倉結餘：$94,015
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。
周末早飛超級重心
星期六15 波琴大（1.62倍）
波琴常與利華古遜演入球騷，後者又有德國新星希美斯大勇，前仗對漢諾威便連中三元，「大」好路。
星期六76 法林明高勝[-1]（待定）
法林明高很久未嘗在主場淨勝對手兩球或以上，追盤路今役可一試；6場不敗的利斯菲體育會似是回吐時。
星期日21 樸茨茅夫大（1.9倍）
樸茅迎熱刺可謂是「衰鬥衰」之戰，料兩者再無退縮餘地，廸科爾、高治將與柏夫里約真高、賓尼大鬥射術，取「大」。
難啃早餐
星期日37 畢爾包讓唔起
西甲周中開快車，基達菲多畢爾包一天休息時間，且作客已9場不敗，主隊畢爾包讓唔起。