近日與周麗淇傳甩拖兼與佘詩曼傳緋聞的鄭嘉穎，可謂黑開有條路，颱風黑格比前日襲港，令全港多個地點造成損毀及水浸，家住西貢南圍的鄭嘉穎更被黑格比吹到正。
水深一呎
前晚天文台高掛8號風球時，有村民目擊鄭嘉穎於昨日凌晨約12時駕駛其價值約30萬的白色福士車輛返南圍，因該處大水浸，滿地狼藉，行人路的水深達一呎高，結果他要將半架車駛上行人路斜駛返家，但其落地兩年的車輛也因此玩完。
昨午約2時，鄭嘉穎的愛車被拖車拖走，而他則因趕返將軍澳出席記者會未有露面，只委託友人代勞。其後鄭嘉穎在電視城接受訪問時說：「我住嗰度都五年，未試過咁嚴重，成條路浸到過膝頭，好彩當時多得住附近嘅村民幫手，推開部車去安全嘅地方，不過𠵱家部車都好大鑊，應該都要報銷，好彩有買保險。」
採訪、攝影：王崇穎、葉君海