林一峰下月夥拍一人樂團ThePancakes的Dejay舉行「OneCakeOneLive」音樂會，兩人早在四年前合作演出過音樂會，今次再合作，一峰表示「純粹過癮」，他更透露會在場地舉行二手拍賣會，將家中積存多年的影碟和舊衫拿來拍賣。
林一峰四年前與ThePancakes舉行過「一二三到你音樂會」，今次他們再度合作，於下月9至12日在藝術中心舉行四場音樂會。一峰表示一直很想再與Dejay合作，因為大家熱愛音樂的程度不相上下，他日前接受訪問時說：「Dejay真係一個好叻好熱愛音樂嘅女仔，佢係一人組合，寫歌出碟一腳踢，同佢合作真係好開心，以後我希望有第三次第四次嘅合作機會。」
阿媽鬧唔執屋
Dejay卻踢爆一峰經常用同一句說話邀請她開騷，她笑說：「我都唔知佢真定假，次次見到我都話一齊開騷啦，佢講到好似問人食咗飯未一樣咁普通，直至佢真真正正約我傾呢件事，咪成事囉。」
一峰強調今次開騷純粹貪「過癮」，他也希望音樂會收入能夠為他們提供下一張唱片的成本，他說：「做一隻碟都要五至六位數，我希望一峰同ThePancakes嘅音樂會可以長做長有。」一峰又透露音樂會會場外有賣二手衫和影碟的攤位，除了籌募新碟經費外，也想清理家中的剩餘物資，他笑說：「阿媽成日鬧我唔執屋但又成日買嘢，我屋企真係開始唔夠位，有好多衫、袋、CD同DVD，我以割喉價賣畀fans。」Dejay則會捐出一個12線結他，拍賣收益會捐給慈善機構。
採訪：李珮洳 攝影：陳俊強