03年因為硬銷推23條立法而告別官場，重返政壇卻力勸政府毋須「攞苦嚟辛」。新任立法會議員葉劉淑儀稱，在民間情緒不穩兼貧富懸殊嚴重下，未來四年沒有就23條立法逼切性，寄語政府指：「睇唔到政府點解要喺未來四年攞苦嚟辛。」
當年強悍推銷23條的葉太，今天無官一身輕；變身民選議員的她接受本報訪問時直認，特區目前沒有就23條立法的逼切性。
目前無立法逼切性
葉太指出，特區現有足夠條例保障國家安全，加上有解放軍駐守，國安問題未成威脅；與此同時，民間不安情緒及貧富問題卻非常嚴重，直指「喺咁情形下，搞呢啲條例係攞苦嚟辛」。她希望中央明白，目前未有立法的逼切性，指「呢個憲制責任幾時落實，係可以有彈性嘅」。
不少市民對她推銷23條的情景記憶猶新，葉太重申當年推銷23條只履行時任保安局局長的工作，「就算處理得唔好，都係一件公務；只係我講嘢唔好、得罪人，唔係誠信有問題」，深信港人轉趨理性及包容，不會續為此進行人身攻擊：「香港人係咪咁小器同幼稚呢？兩次（選舉）都用23條攻擊我，市民聽落係咪厭倦呢？」
向曾蔭權班子發炮
被人認定為「反曾蔭權」成員的葉太澄清，「（入議會）唔係去反對某個人」，但她也不忘向曾蔭權領導的班子發炮，指立法會選舉前夕，「特區政府畀咗好多票嗰啲所謂嘅反對派」，諸如副局長制度、外傭稅風波及梁展文事件等連番施政失誤，都令市民不滿，結果不但令建制派無法打破與民主派的六、四得票比率，也令社民連摘下大量選票。
面對政府民望低沉，葉太坦然當建制派會有壓力，希望曾蔭權改善施政作風，「要勤力落區，唔好只做公關，影啲相就算。」她批評曾蔭權到內地訪問次數過多，經濟效益卻未能評估，建議審計署在這方面進行「衡工量值」報告。記者許偉賢
特稿：入立法會最驚俾人玩
狙擊葉劉淑儀不遺餘力的社民連主席黃毓民，今屆成為葉太的同事。葉太坦承她是黃毓民的目標，訪問期間三度直指「好驚」，「好驚佢哋玩我呀」。她無法預計屆時如何應付狙擊，「惟有見招過招，見式拆式，當係考驗吓自己」，並拋下一句「好男不與女鬥」，還望黃毓民手下留情。
政客不能像「鵪鶉」
偶爾語出驚人的葉太令前同袍聞風喪膽，成為官場認定較為「難搞」的議員之一。葉太直認民選政客無可避免要出位，不能像士大夫般只做「鵪鶉」：「議員要攞分，無可避免要靠出位，即係要狂轟政府，所以大家都見到，癲狗係有市場」；一旦政府施政有問題，自然會提出批評意見。
但她向前同袍派定心丸，指她質詢高官時或有「激情」，但會盡量「留有餘地」，盡量避免「得罪人」。她自稱「知規矩」，因此會見已升至特首地位的曾蔭權時，「一定會畀佢一啲尊敬」，例如稱呼他為「特首」，「唔通叫佢Donald咩。」被問及是未來特首黑馬，葉太只推說「唔敢諗、冇本事」，未有為此閂上大門。本報記者