姚樂怡日前提早慶祝30歲生日，假洪天明在銅鑼灣開設的酒吧開P，傅明憲（GiGi）、關寶慧和湯盈盈等均有到賀，神秘嘉賓則是GiGi帶來的黃曉明，樂怡日前在電話中笑說：「佢哋嚟嗰陣時，我已經飲醉咗，淨係見到GiGi同個男仔嚟，點解個男仔會拖住個篋嘅？當時我都唔知佢係黃曉明，所以都冇問番GiGi點解會識佢。」
未遇真命天子
樂怡表示收到不少生日利是，合共二萬多元，陳雅倫送她一部手提電話，盈盈則送贈紅色性感內衣，樂怡大笑說：「件衫係deepV，條褲就Tback，盈盈話唔係益你，係益你嘅另一半，但𠵱家都冇得益人。」樂怡稱生日願望是盡快賺錢買樓，對真命天子不強求。她又透露本來傾好分別在深圳及廣州的登台騷，但日前深圳歌舞廳發生大火，內地方面需平息風波後才接納登台批文，令其演出被延至下月。
採訪：李全