許志安、泳兒和at17等前晚在將軍澳電視廣播城錄影節目《勁歌金曲》，他們大唱已故巨星張國榮（哥哥）和陳百強的經典金曲。
遺憾沒機會合作
安仔唱了哥哥的《風繼續吹》，他說：「我對呢首歌耳熟能詳，哥哥唱歌好有韻味，冇人可以取替。哥哥好友善，記得我初入行時，佢都冇嫌棄我哋係新人，同我哋打招呼，之後我首《爛泥》攞獎，仲係佢親手頒畀我，有個畢生難忘嘅擁抱，但遺憾冇機會合作。」
對於有指梁漢文12月結婚，安仔說：「我唔知，留番佢自己講，我做過兩次兄弟，最後一次要留畀蔡一傑，至於自己幾時結婚，就要講緣份。」泳兒則透露最近有跟鍾欣桐電話聯絡，但沒有談及她何時復出。
採訪：卓寶花
攝影：陳順禎