接近10年冇幫無綫拍劇嘅李綺虹，將會夥拍黃子華拍新劇《企業醫生》，噚日佢接受商台錄音訪問，問到佢生完BB再出嚟拍劇，驚唔驚俾人話婚變？佢話：「唔驚，已經俾人寫咗啦！我嘅家庭好穩定，𠵱家當啲新聞係遊戲。」佢喺加拿大返嚟冇耐就被報道喺中環同位男士談情，佢話：「嗰個係我老公嘅bestfriend，老公都有睇呢段報道。」