韓劇《朱蒙》男星宋一國，早前反控當地女記者金順姬誣告佢毆打，噚日首爾中央地方法院判女記者罪成，判處有期徒刑一年。法官話從各項證據同證供顯示，宋一國同女記者有過身體接觸，但冇對女記者使用過暴力，女方發表遭到毆打嘅報道，令宋一國名譽受損。法官認為被告唔會逃走，所以宣佈判決結果後冇即時執行，先畀金順姬返屋企，不過金順姬方面有意上訴。