馬來西亞歌手曹格早排喺台灣金曲獎拎歌王獎座時，曾大方公開台灣造型師女友吳速玲，前日二人被踢爆本月12日喺大馬註冊結婚，曹格本來噚晚要去台灣出席一個音樂會，點知佢因為避談婚訊而臨陣甩底，曹格11月8號會喺台北開騷，𠵱家啲飛只賣出五成，如果佢再缺席宣傳，相信對票房好大影響。