著名足球評述員黃興桂，早在74年便與尹志強相識，八十年代尹佬效力南華期間，黃興桂更是南華足球教練，數十載以來一直是好朋友關係。
「佢哋互相扶持」
日前黃興桂在一個專欄上透露曾探望尹佬，並獲對方送贈一個馬主全季的貴賓馬牌，記者昨日致電黃興桂了解時，他說：「佢咁辛苦喺道鬥爭緊期間，仲掛住朋友嘅喜好，真係令我受之有愧，所以我先至寫咗篇嘢嚟表達我對佢嘅感激啫。」
問到尹佬現時的病情如何時，黃興桂說：「佢𠵱家係休養當中，其實係以前做化療有啲副作用，我嗰日見佢都OK，都好健談呀。」有傳米雪將與尹佬結婚，黃興桂表示未有聽聞，他說：「佢哋冇同我講過，佢哋情比金堅，使乜結婚吖！我好欣賞佢哋兩個人喺艱難中互相扶持。」
黃興桂又談到當年在南華擔任尹佬的教練時一些往事，他說：「嗰陣時我哋一齊游水、滑水，輸咗波就一齊打麻雀發洩，82、83年嗰陣，我仲租咗佢間房住，後來佢同米雪拍拖，我費事做電燈膽，咪租咗佢樓下囉。」
採訪：戴彩煥