【本報訊】「我喺化工原料廠做嘢20幾年，試過有化學品入眼，但未試過今次咁痛，真係驚會盲。啲化學噴霧無色無味真係好恐怖呀！」一名男子前晚在港鐵美孚站內㩒機，被獨行賊以化學噴霧噴眼企圖搶錢，事主力保700元不失負傷跑回附近住所清洗雙眼報警。警方正化驗事主衣物，了解化學噴霧性質，並翻看閉路電視錄影帶追緝賊人下落。
遭化學噴霧襲擊受傷事主姓陳（56歲），家住美孚新邨蘭秀道17號一單位，從事化工原料廠機械裝嵌工作20多年。前晚11時許，陳下班後回家途中，在港鐵美孚站近B出口一部恒生自動櫃員機提款時出事。
黑衣人站身後
「㩒機發覺一個身穿黑衫男子企喺身後，旁邊有部空機佢唔㩒已覺得奇怪，但當時冇為意，點知700蚊喺部機彈出嚟時，就俾人喺右邊用化學噴霧噴雙眼，相信係企圖搶錢！」陳遇襲後本能反應，以右手擦眼緩和痛楚，左手按着提款機上700元大叫，賊人見事敗拔足狂奔。
「我喺化學原料廠做咗咁多年好識保護雙眼，中招後雖然雙眼好痛好揦，視力唔係好清楚，得番兩、三成，但仍然可以走番屋企，用大量清水洗眼後報警，到醫院治療後冇事咯！」陳昨帶記者返回事發現場講述經過，「噴我啲化學噴霧無色無味真係好恐怖呀！不過我以前當兵見過世面，所以唔係好驚，查案差人提醒我，身後有可疑人士時唔好㩒機住。」
化驗事主衣物
警方事後撿走事主衣物化驗賊人使用的化學噴霧性質，同時已向港鐵及恒生銀行索取閉路電視錄影帶協助追緝賊人。港鐵發言人表示，站內有職員巡邏，隨時為有需要乘客提供協助，乘客在安全情況下應即時報警求助。
利用化學噴霧搶劫事件，在本港、內地及其他地方時有發生。今年6月6日凌晨，三名手持胡椒噴霧少年在灣仔新鴻基中心一間銀行附近，企圖行劫解款員事敗被捕；06年10月29日，一名男子在元朗錦綉花園，被兩賊噴射化學噴霧搶奪五萬元現金及支票。
噴霧劫案示意圖
