一班台灣歌手吳佩慈、何潤東、陳柏霖噚日喺紅磡出席「奧美集團與星光集團策略聯盟」記者會，吳佩慈喺台灣拍緊電視劇《協奏曲》，佢話拍劇、唱片宣傳一齊做，每日瞓得3個鐘，帶住3個眼袋開工，搞到個樣好殘，佢又想同羅嘉良合作拍港劇。吳佩慈仲同小瑪歌講佢好鍾意睇港劇，啱啱先追完《溏心風暴之家好月圓》，原來台灣早已經有碟租。