美國百年投行都要轉型，做埋銀行畀人存款，平日出入嘅人，好可能由一班西裝骨骨嘅賓架，變咗一班大叔阿嬸存戶，不過，仲有冇人敢將啲錢擺喺佢哋度先？網友pussy_man喺香港討論區問：「大摩、高盛變為銀行可以存款嘅話，你會存錢入去咩？」呢個係信心問題，Henry1268回應話「見過鬼怕黑」，hitmanlau都話「分分鐘連啲存款都冇埋」。