周三英聯盃第3圈上演英超榜尾大戰，由尾2的紐卡素迎戰包尾的熱刺。雖然兩隊近況不濟，但紐卡素始終有主場之利，加上亦較熱刺有隊形，平手盤一於博紐卡素。（球賽編號：星期三33；now670明日2:45am直播）吾中
紐卡素今屆麻煩多多，既有領隊奇雲基瑾辭職，又有班主艾殊利要賣盤「鬆人」，令球隊目前仍是「無帥之師」，要由教練曉頓臨時領軍；因此，球隊表現亦如江河日下，近4仗只得1和3負（只計90分鐘戰果），目前更在英超聯排尾2。在周三的英聯盃第3圈迎戰熱刺時，紐卡素續有兩中場祖爾巴頓及古費利停賽，攻擊球員如阿倫史密夫、維度卡及約拿斯古廸利斯等亦全部養傷，似乎難以看好。
迎熱刺有往績支持
不過，紐卡素仍有質高前鋒奧雲可以候命，而他的前線拍檔馬田斯亦料可趕及傷癒；再加上上仗已可披甲的翼鋒杜夫，紐卡素不難取得入球。另外，紐卡素主場表現亦優於作客，近6次迎熱刺就取得5勝1負，加上亦較熱刺有隊形，今役或能「反底」。
若論人腳，有俄羅斯國腳前鋒柏夫里約真高及巴西門將靴里奴高美斯等高質球員壓陣的熱刺，其實較紐卡素佳，而且該隊踢盃賽一向醒神。不過，熱刺今屆缺乏士氣鬥志，領隊拉莫斯又被傳思鄉無心教波，亂點鴛鴦，以致球隊攻不強、守不穩，在今屆聯賽竟仍未開勝利之門，做包尾大幡。
入球「大」兼顧無妨
再者，由於熱刺開季後表現與季前熱身賽相比大跌watt，連中場賓尼亦承認，球員目前正陷信心危機，加上球隊人腳變動實在太大，球員一時間實在難適應。
「讓球」為平手，可秤先主隊紐卡素；另外，由於紐卡素在今屆6場比賽中，只有一場未嘗取得入球，因此若認為是役勝負難料，不妨向入球「大」埋手，有1.82倍。
星期三33
紐卡素vs熱刺 2：1
半全場：和/主
盤口：平手
讓球：紐卡素