平時行街食飯，最鍾意去茶餐廳醫肚，貪佢好hea唔侷促，又夠就腳唔難搵，無論大街定小巷，梗有一間喺左近。計我話，經營茶餐廳襟撈，食物種類一定要夠多元化，一張餐牌食勻七大洲先滿足到香港人口味；其次必定係出貨夠快。近日有茶記新開張，仲引入專門淥意粉嘅意粉機，以機械代替人手，效率自然會快啦！
記者：王震遠
攝影：林栢鈞
模特兒：Connie@StageModels
美國意粉機
走新潮茶餐廳路線的「露斯餐廳」，剛剛在中環區插旗。「露斯」選址在閣樓，雖不及街舖那麼方便，但在樓上一邊看街景，一邊安靜地嘆個Tea，hea足半日，別有一番風味。更率先引入美國技術的意粉機至香港，對秒秒鐘幾十萬上落的中環白領上班族來說，定必是好消息。這部意粉機，比起傳統的手煮意粉，更易控制到意粉的品質，而且速度比人手炮製快了一倍以上。
StepbyStep
凡立貝蜆肉卡邦尼意粉$52
卡邦尼汁全由師傅自製，並加入自家研發配方增強香味，並令口感更滑。加上凡立貝和蜆肉配合經意粉機處理的意粉，海鮮入口鮮味十足，意粉亦很彈牙，配合香滑的卡邦尼汁，令人回味。
鮮椰汁咖喱豬軟骨
（配印度烤餅）$45
由大廚德哥秘製的德哥咖喱，比起普通咖喱多了一份椰香味，再配合大件但非常腍身的豬軟骨。印度烤餅亦棄用了一般先烤後剪的方法，改用了先剪件再去烤，所以連餅的外邊都特別脆身。
Connie：「烤餅好脆，點埋咖喱汁食真係味道一流！咖喱汁與我之前食過嘅有分別，辣味無咁重。」
特長熱狗包$22
在街邊不是很多地方可以嘆到這個特長的熱狗包。這條美國熱狗腸超過十吋長，除非你零舍大食，否則真的非要兩個人Share不可。
阿欣：「咁大隻熱狗一個人點食得晒？要坐足一個下午慢慢嘆先得喎！」
冬蔭功煮牡丹蜆$38
冬蔭功經過改良，加入了魚湯。大大加強湯底的香味，但入口不太辣。選用新鮮牡丹蜆，每日存貨不多，所以供應有限，售完即止。
Connie：「有冬蔭功味但係一啲都唔辣，就咁飲都無問題！蜆幾大隻，味道幾鮮甜。」
抽風機風亁
一般茶餐廳煮意大利粉，由淥意粉麵餅開始到上碟，都是由師傅負責。由於以人手來控制時間，無法保證每碟意粉品質一樣，加上為了省時，要預先淥定一大鍋意粉，這樣客人享受到的就未必是新鮮煮好意粉。相反「露斯餐廳」採用的意粉機，有一位師傅專門負責煮意粉。每次收到Order，只將一個意粉麵餅放進意粉機，設定時間掣將意粉淥熟，再隔水並用抽風機將其風亁，比起其他茶記的意粉多了風亁這個步驟，能使麵身多餘水份被抽走，入口便更加彈牙。加上每次落單才即叫即整，保證新鮮。經淥熟後馬上放進熱電磁爐上炒，火力比起明火細，以後再不會食到「亁爭爭」的意粉。
Connie：「白汁好香好濃，配合意粉好有意大利餐廳的pastafeel！」
露斯餐廳（25263879）
中環域多利皇后街5-8號閣樓
