由日本型佬福山雅治夥拍女星柴崎幸合演嘅《神探伽利略》電影版《容疑者X的獻身》，前日喺福山嘅家鄉長崎市舉行試映。劇集上年尾喺日本播出時收視理想，電視台食住上開拍電影版，仲喺下月4號上映。相隔20年再拍電影嘅福山，前日首次以影星身份到戲院同觀眾見面，佢話今次拍戲好大壓力，至於幸妹就踢爆福山喺片場經常同其他男星大講鹹濕笑話。