容祖兒（Joey）的新碟《InMotion》推出不久即有好成績，銷量達白金唱片數字，前晚她在九龍酒店舉行祝捷會，Joey今次自掏五位數字腰包宴請各唱片拆家。
提到最近的股市風暴，問一向有投資的Joey可有趁低吸納？她說：「呢啲由媽咪做，我都唔知價，我冇理到，媽咪都冇一臉愁容，應該唔會好傷。」問她可會學葉翠翠般投資？她偷笑說：「呢啲嘢好明顯，點講啫，我唔會亂用錢買樓。」
怕買豪宅短命
有傳謝霆鋒搬到近億豪宅，Joey表示很想參觀，記者笑她也買得起，她說：「買唔買到係其次，驚買咗會瞓少咗，少咗休息命仔唔會長，因為車程都好遠，我又暈車浪。」記者再提議買黎明那所價值6,000萬元的豪宅，她笑說：「唔好，驚有人綁架、劏死牛。」
採訪：駱華齡
攝影：陳俊強