無綫總經理陳志雲欽點陳鍵鋒一起到冰島拍攝節目《冰天動地》，前晚兩人出發往冰島，陳鍵鋒竟帶了一大箱護膚品和冲凉用品，比陳志雲還更貪靚姿整。問陳志雲會否跟陳鍵鋒和稍後會合的廖碧兒作深情對話時，他笑說：「唔會，會同北極熊飯局。」
繼《志雲飯局》和《了解．關懷．一百萬人的故事》後，無綫總經理陳志雲再次粉墨登場，欽點陳鍵鋒跟他到冰島拍攝一個關於環保的新節目《冰天動地》，廖碧兒稍後則會與陳志雲在丹麥屬土格陵蘭會合，繼續拍攝。
志雲讚反應快
前晚約9時半，陳志雲和陳鍵鋒率先出發到冰島，兩人穿上Columbia贊助的服裝，陳志雲只帶了一大一小旅行篋，內裏主要是衣服、罐頭和素麵等；陳鍵鋒則帶了一個大篋、一個大背囊和一個鐵箱，除了衣服、暖包和果bar外，一整個鐵箱原來裝滿護膚品和冲凉用品，比陳志雲更貪靚姿整。
問陳志雲欽點與陳鍵鋒同行一事時，他笑說：「凡係有任何男士都會勾上我嚟寫，我同廖碧兒就冇人寫，不過我都明白大家係為咗趣味性。今次搵陳鍵鋒，係因為佢又做過戲，又做過資訊同歷史節目，因為去到冰川反應要好快，啲冰川話塌就塌，唔係淨係照稿讀，我哋覺得佢（陳鍵鋒）可以勝任。」
難道不擔心被指大細超嗎，陳志雲說：「唔怕，我哋真係出發去做嘢吖嘛。」問會否在節目中跟陳鍵鋒和廖碧兒深情對話，他笑說：「唔會，會同北極熊飯局，睇吓環保境況，我冇準備問問題。」
乘機歐洲旅遊
陳鍵鋒此行也帶了電腦和相機作消閒娛樂之用，並說：「去完呢個trip（冰島）之後會直接去歐洲，諗住去巴黎，慳番張機票錢，冇咁肉痛，不過就睇唔到《少年四大名捕》。」
採訪、攝影：卓寶花
