劉嘉玲和梁朝偉婚後越來越旺，劉嘉玲在上海代理時裝，又有澤東和東亞爭着簽他們。劉嘉玲昨日出席活動時雖然表示跟澤東關係親密，他們絕不會過檔，不過她又透露梁朝偉有意自立門戶開製作公司，兩夫妻工作如此繁忙，難怪嘉玲揚言沒有生育大計。
劉嘉玲擔任瑞士浪琴錶（Longines）代言人多年，昨日她冒着颱風在尖沙嘴為品牌專門店主持開幕儀式。屢傳有喜、婚後略為發福的劉嘉玲穿上鬆身PleinSud藍裙，戴着浪琴早前為她訂做作結婚禮物的TLCWeddingWatch亮相。在開幕儀式上，嘉玲除了獲贈一枚$20,100新錶外，又有高層送上一隻掛上奶嘴的水晶牛，祝她於牛年開枝散葉。
讚偉仔操弗似男模
劉嘉玲笑笑口說：「佢叫我小心飲牛奶咋。」問她有沒有生育計劃？她說：「冇，我都知大家關心我。」談到梁朝偉近期操弗拍電影《一代宗師》，嘉玲指偉仔認真操練，身形比同場赤膊的男模不遑多讓，她說：「有肌肉靚啲，成個人線條唔同晒，不過我唔係鍾意佢嘅體形，佢乜嘢體形我都見過。」
日前有傳偉仔和嘉玲跟合作多年的親密戰友王家衛擘面，將不再續約澤東，傳出齊齊過檔林建岳旗下的東亞娛樂，劉嘉玲否認其事，並說：「我哋同澤東係好好嘅合作夥伴，20年來都志同道合，好有默契，要好好珍惜。我哋係有合約嘅，大家有共同目標同理想，超越經理人同演員關係，大家係親密戰友、互相欣賞同尊重。」
嘉玲接着說：「佢（梁朝偉）有自組製作公司嘅諗法，所以有呢個傳聞。」不過嘉玲指偉仔無意獨立發展，更順勢澄清不和之說，她說：「佢同張叔平同王家衛係一個好好嘅鐵三角，製造好多靚光影，會繼續合作落去。」
祝願王菲健康快樂
談到好友王菲被傳流產，嘉玲說：「呢啲等佢自己答啦，作為朋友，要好好保護佢，希望佢健康快樂。」她更用「無稽」來形容王菲和李亞鵬被傳因生育問題引致婚變，她說：「佢哋之間好好，好相愛！將來嘅事就唔知啦吓。」
採訪：LawWaiMan
攝影：EdwardChou
