佘詩曼、黃子華、李綺虹和謝天華昨日為無綫新劇《企業醫生》在將軍澳電視城試造型，剛放了長假的阿佘，談到與鄭嘉穎的緋聞，心情勁靚的她表示生活很開心，她說：「我啱啱放咗3個月假，今次係我97年入行以嚟，休息最耐嘅一次。我唔知𠵱家故事發展情節寫成點，之前經過毛冷店又話我買冷，一時又話我有個家姐，其實嗰個人係我媽咪。」
袒護吳卓羲
問到阿佘有否與嘉穎聯絡，她說：「我點會打電話同佢呻呀，不過就算見到面都唔會尷尬，公司今日有一個大型記者會，到時或者會見到。」對於經常有知情人士透露內情，而且更被冠上「姣佘」的稱號，她有點抗拒地說：「我覺得不如叫番我做阿佘，嗰啲知情人士咪即係作書人，黐線人士就真。」
問到阿佘目前的感情狀況，她說：「我好享受目前嘅單身生活，感情嘅嘢唔係話想變就得，要睇雙方面，我𠵱家個伴放咗喺事業上。」至於又有指吳卓羲𠝹落選港姐黃瑩，阿佘說：「我冇睇過報道喎，如果冇影到相就唔可以咁屈佢（吳卓羲），佢有女朋友會出嚟講，到時我都會恭喜佢。」
採訪：何慧斯
攝影：陳順禎
