颱風黑格比前晚襲港，天文台高掛8號風球，但無損官恩娜（Ella）雅興，她仍冒風雨到灣仔看騷，力撐搞手之一的緋聞男友、保護海港協會主席陸恭蕙的胞弟陸恭和的場，二人雖有打招呼，但發現記者拍照後即時避忌彈開。
官恩娜（Ella）、關心妍、蔡一智夫婦和莊思敏等，前晚在灣仔會展欣賞軒尼詩音樂派對，雖然前晚高掛8號風球，但眾星無懼風雨撐場，欣賞歐陽靖和王若琳的演出。Ella的緋聞男友、保護海港協會主席陸恭蕙的胞弟陸恭和負責接待嘉賓，他雖與Ella打招呼，可是卻十分避忌，二人未肯應記者要求大方合照。
合照顯得避忌
Ella穿上粉紅色裙子到場，8號風球高懸下仍盛裝赴會撐緋聞男友陸恭和，她說：「只係朋友啫，我好多男性朋友，呢位只係朋友，大會上年都搞過呢個活動，我都有做過嘉賓，今次嚟係捧歐陽靖嘅場。」Ella表示前晚獲公關公司邀請。問她可有酬金？Ella說：「合理價錢。」開騷前問她完騷後還會跟陸恭和有約會嗎？她說：「冇啦，我睇完騷就走，聽日我仲有工作。」Ella否認見到陸恭和避忌，她說：「冇，大家係朋友。」於是記者建議朋友關係的他們合照？Ella詐儍扮懵說：「人哋做緊嘢，唔好搞佢。」
同場的關心妍穿上低胸裝配熱褲來捧歐陽靖的場，她早前出現甩牙骹情況，她說：「牙骹軟骨歪咗，𠵱家要針灸，我要戴牙托瞓覺，好多時會失眠，若醫唔好會影響唱歌、食嘢同講嘢，再唔好11月嘅演唱會都可能要取消。」
媽咪股票損手
此外，Ella昨日到新城接受訪問，她慶幸沒有投資股票，她說：「我唔係落井下石，不過我從來都唔識投資，我有好多朋友喺美國銀行打工，佢哋都好驚會失業。」Ella又透露其母因股災而成為受害者，她說：「之前媽咪叫我一齊買股票，我同佢講就快出唱片要用好多錢買衫所以拒絕咗佢，我都唔知佢唔見幾多錢。」
採訪：駱華齡
攝影：仇志德