胡杏兒噚日以歌手身份到新城接受訪問，佢話做歌手原來要出席好多宣傳活動。杏兒今年趕得上競逐年尾嘅頒獎禮新人獎，佢自嘲係最老嘅新人，而佢同鍾嘉欣都係今年嘅候選新人。 杏兒話：「啱啱至起步，獎嘅嘢唔諗住啦，做好自己嘢先。」睇嚟鍾嘉欣都係佢最大勁敵？佢話：「唔好咁講，今年有好多女新人，同埋我覺得嘉欣都唱得好好。」