不再將日職聯放上貼士表
列斯聯果然超班，破主場王卡素爾
銀河龍門個樣好灰諧，入球大續追
網誌日期：2008-9-22
經濟逆轉，球隊營運不能脫離現實，細會也有生存之道，保頓走了安歷卡同廸奧夫等主力，擁躉有心理準備呢支雜牌軍全季打護級戰，但如你係東北第一大會嘅紐卡素球迷，心如刀割。
阿仙奴剛公佈07-08年度全年業績，稅前賺5億港元，盤數幾靚仔喎；雖然因起樓而負債多了，但喺舊高貝利球場興建嘅住宅收益，將會在今個年度起入賬，減債可期。𠵱家睇足球，唔單睇球隊打法、又或係C朗又搭上邊位大胸女友咁簡單，球隊營運模式及內部人事關係，直接影響球隊用人策略及戰績，賭友刨賽績之餘，應多留意呢類新聞。
從業績睇，我想雲格最厲害之處，係將飛漲嘅球星人工影響減至最低，只比上季多10%；今季又放走基拔圖施華、列文及希比等高薪一族，只有艾廸巴約加人工；法米尼加到5、6萬鎊人工都唔肯留低，但填補他空缺嘅20歲、巴西世青盃隊長丹尼遜今季大幅度進步，證明管理層未必需要用超高人工留住有離心之輩，運作模式暢順，連桑治咁粗疏都可以踢阿仙奴正選（望只限對保頓之流），問你服未！
http://hk.myblog.yahoo.com/appleballmen/
（逢周一至周五見報）
蘋果波神個人資料
英國足球狂熱，願能年年去朝拜。