逾100名雷曼兄弟迷你債券散戶投資者，昨日早上9時已在民主黨號召下，到金管局總部請願。絕大部份苦主均年過半百，過往投資作風普遍保守，主要在相熟銀行把積蓄作定存或買外滙投資，但因最近一兩年利息過低，經銀行職員游說下，才轉買入略高一至兩厘的迷你債券。
「合約填係高風險」
半生血汗錢現時或隨雷曼破產化為烏有，苦主昨集結時神情依然激動，毫不避忌向在場記者哭訴苦況。
從事百貨業小生意的黃先生，顧不了太太仍在內地為外父奔喪，隻身回港到場請願。他今年2月經推介下，斥資252萬元買入雷曼迷你債券，「我嗰時都唔知買咗乜，職員只係話同七間藍籌公司掛鈎，一次都冇講同雷曼有關。我再三問，都係答低風險。𠵱家出事睇番先知職員喺買賣合約幫我填咗係高風險承受級別，我兩個仔女唔過12歲，𠵱家都唔知點算。」
心臟有問題剛出院的郭小姐，昨日因過於激動訴苦，一度身體不適，須坐在輪椅上稍作休息。她指出，原先打算在銀行存放50萬元定期收息，職員反而推介做雷曼兄弟推出的股票掛鈎票據，年息2.88厘。「存一年諗住好穩陣。雷曼出事，我再問職員，佢竟然答呢啲係百年一劫，冇人想，渣打都有可能執笠啦！」
本報記者