鄭欣宜剛剛演出無綫新處境劇，即被批評演技浮誇兼狂NG，昨日她出席宣傳活動時坦承有NG情況，但獲無綫高層曾勵珍給予80分，而前輩何守信雖未與欣宜同場，但表示看過關於她的負面新聞，並感到欣宜面對肥姐的離世後成熟了，乖了好多。
無綫處境劇《畢打自己人》昨日在將軍澳電視廣播城舉行開鏡拜神儀式，出席演員包括鄭欣宜、毛舜筠、何守信、金燕玲、吳君麗等，現場所見一眾演員都對欣宜愛護有加，無綫高層曾勵珍更全程為欣宜護駕。
「導演畀機會」
欣宜開拍《畢》劇後，被批評演技浮誇兼狂NG，她解釋說：「其實好多時係導演畀機會我再演好啲，NG多唔表示冇做好準備工夫，我好開心可以做得更好，而表情浮誇係我自己講，平日自己都係咁，會盡量減少，長輩都好照顧我，會教我邊度可以多啲，邊度要減少啲。」
欣宜坦承常NG後，無綫高層曾勵珍即表示看過欣宜的演出，她給予80分，並讚欣宜演技自然，只是中文發音稍遜，所以仍有進步空間。
何B：佢乖咗
除了高層撐欣宜外，何守信也給予意見，他說：「我未睇過欣宜演戲，但人哋批評可以考慮，以我所知佢個角色係幾活躍，佢好專心同重視呢個劇，我平時好少睇娛樂新聞，但關於佢以前嘅負面報道我有睇過吓，到真正見到佢嘅時候，佢經歷咗肥肥離去呢件事，佢喺做人處事方面成熟咗，乖咗好多。」
此外，毛舜筠已18年沒有拍劇，她表示感覺沒有陌生，只是要不斷講對白有點不習慣，問到欣宜是否常NG？毛舜筠即自稱一take王，她說：「NG七、八次個個都差唔多，我都有呢種情況出現啦，感覺佢好努力，做足準備功課㗎！」
採訪：卓寶花
攝影：葉君海