昨天是梅艷芳45歲農曆冥壽，無綫製作紀念特輯《我們的梅艷芳》，許志安、蔡一傑、梁漢文和鄭融等人出席，眾人並懷念梅姐生前帶給他們的回憶。嘉賓中除鄭融之外，大部份是梅姐的徒弟或朋友。鄭融說：「其實我同阿梅都有淵源，大家都係10月10日出世，而且我好記得睇佢嘅《烈焰紅唇》MV，佢着嗰件衫好大膽好性感，今晚我都會唱番呢首歌，但會係密實版。」從未見過梅姐的她，問她可想過推辭這項工作？她說：「冇！我盡量做好啲，佢係樂壇好值得尊重嘅前輩，有機會唱佢嘅歌好開心。」
李司棋代收支票
譚耀文已四年沒有入電視城，但近日他於亞視有劇集，問他會否擔心如吳啓華般引起無綫不滿？他說：「嗰個只係外購劇，而且今日特登出席師傅（梅艷芳）嘅音樂會，我會唱《親密愛人》。」另外，代表接收四海一心基金善款的李司棋，對於有女病人因誤診患乳癌而被割掉乳房一事，她說：「好陰功，疏忽可能會令人遺憾終身。」
採訪：王連連
攝影：葉君海