黎耀祥因為無綫劇集《溏心風暴之家好月圓》中扮演年子勇（蓮子蓉）一角，雖然戲份不多，仍乘劇集熱爆而人氣急升，不時被邀做騷𢱑真銀。祥仔前晚與薛家燕和呂珊到了澳門星際酒店做騷，他們大唱懷舊金曲。
晚晚追劇
祥仔表示每晚都有追看《家好月圓》，他說：「雖然自己有份參演，不過追睇嘅時候都覺得劇情好緊湊，呢次有機會參演，我真係覺得好開心，仲令我多咗好多登台機會。今晚唔少觀眾又猛叫我『蓮子蓉』，諗唔到呢個角色畀觀眾咁深刻嘅印象，真係自己都覺得好驚喜。」
此外，無綫最近深宵重播家燕姐主演的《十月初五的月光》，該劇當時也在澳門取景，而家燕姐的女兒前日更撐母親場，又有男歌迷獻花和伴舞，反應熱烈。
撰文：林妃