嘩！咁嘅情況？畢傑離開香港兩個禮拜啫，個〈早飛倉〉由正數變負數，唔怪得返到公司牛兄係咁同我講「鎖你鎖你」啦！我又點會怪佢呢，我哋話晒一門雙「傑」，輸緊咪一齊追數囉！今期到我畢傑出場，希望英聯盃維拉開「大」救市。
中游球隊昅實英聯盃
廢話少講，今期推介英聯盃第3圈賽事，英超阿士東維拉迎戰英冠仔昆士柏流浪，1.72倍「大」冇走雞。英國國內盃仔或者唔係Big4杯茶，但就肯定係啲中游分子爭家產之地，話晒捧冠軍有份踢下屆歐協盃，好似維拉、愛華頓同樸茨茅夫必爭。
維拉近期演出都算唔錯，中前場組織好流暢，艾邦拉荷、占士米拿呢啲生牯仔配合卡維，埋門機會多不勝數。好似上場2:1贏西布朗場聯賽，前線個個「弗」到震，唔係卡維一頭一腳中晒柱，點止贏咁少？不過，最緊要係維拉班波好後生，幾日內再踢場波真係濕濕碎，我估艾邦拉荷、占士米拿呢啲快馬根本唔使「唞」。
仲有呀，維拉出晒名喺英聯盃首仗去到盡，上年大炒域斯咸5:0、前季2:1贏斯肯索普、05/06球季更大數韋甘比8:3！加上維拉續有守將保馬及薛維爾缺陣，防線都唔穩，「大」真係好抵買。
，「大」真係好抵買。
昆士柏流浪擅進攻
英冠昆士柏流浪又係出名喺盃賽識攻唔識守，單計近年英聯盃，佢哋已經連續8場開「大」，上圈4:0淘汰卡素爾，阿根廷小將列廸斯馬連中三元；加埋布力史托又「弗」，呢場波中位數只開2.5球，抵買！
畢傑
難啃早餐
星期三38
馬體會贏唔到
馬體會無疑當銳，阿古路入球停不了，但此軍作客戰績麻麻，今仗馬德里打吡戰，讓唔起仍保不敗身嘅基達菲。
周中早飛超級重心
星期三3
浦和紅鑽勝[-1]（1.95）
紅鑽堂堂上屆亞冠盃盟主，8強首回合落後科威特的艾卡廸斯亞一球，主場必搏，喜見高原直泰入番波，[-1]都唔怕。
星期三12
史達比克勝[-1]（2）
史達比克聯賽奪標在望，有餘力向挪威盃發展，莫廸處中下游，護級大過天，史達比克可淨勝兩球或以上。
星期三14
奧沙辛拿（上）
奧沙辛拿聯賽仍未開齋，今次依靠北部主場威力，面對分心歐協盃有疲態的拉科魯尼亞，讓得起平/半。
〈早飛倉〉
主菜：星期三30阿士東維拉大（1.72）@1,000
混水摸魚過關：星期三30阿士東維拉[4球]（5.2）、[5球]（9）x星期三38基達菲和（3.15）2x3@100
今日早餐價錢：-$1,500
早飛倉結餘：$95,015
規則：$100,000本錢，每日買早餐最多動用$5,000，最少$1,000，逢周二、五起身食早餐（見報）。