施念慈（Celia）與陳鴻業（Alan）這對離婚寃家，前晚及昨日各自帶另一半出席婚紗騷，多次改婚期的Alan會於12月中迎娶鄭詩韻，Celia則透露明年初與空中少爺男友拉埋天窗。問到Alan會否派帖給前妻，他即一臉尷尬，連祝福前妻的話也講不出。
美麗華酒店前晚為易名成TheMiraHongKong新面貌舉行盛大的婚宴展作序幕活動，當中有本地設計師何國鉦的婚紗騷，吸引了不少城中名人赴會，包括汪詩詩、陳煒、胡敏珊及施念慈。陳煒及Celia均承認婚期近，Celia更帶同拍拖僅5個月、相差十歲的空中少爺趙啓昕（Alex）出席。
「要揀個心地好」
早前有傳Celia會於本月與Alex閃電結婚，她早前已作出否認，前晚再問二人婚期時，Alex即搶着說：「其實要問准媽咪，都快，會係出年年頭。」問Celia男方是否已求婚，她說：「講過，都應承咗，未話籌備，會先結婚，後一年擺酒，我就想旅行結婚，咁大個人，媽咪話唔好嫁個咁差，要揀個心地好。」在旁的Alex表示會努力搵錢，Celia即說：「自己都唔物質，佢對我好就得，唔在乎戒指有幾多卡，禮金有幾多。」
另一邊廂，陳鴻業昨日專程往澳門MGM，為未婚妻鄭詩韻旗下公關公司的婚紗展撐場，二人婚期多次更改，終落實今年12月中舉行，當Alan得悉前妻Celia明年初再婚，他即尷尬地說：「唔知，冇留意，冇聯絡好耐。」問他會否派帖給Celia，他只說：「會派帖畀親戚朋友。」當再追問他會否祝福前妻，他則一臉靦覥地儍笑。
鄭詩韻籌備嫁衣
鄭詩韻透露忙於為婚紗張羅，她說：「𠵱家改12月，多咗時間，自己又三心兩意，度身訂做咗猶太裔設計師品牌ElieSaab，酒席已搞得七七八八，會喺君悅或者會展，婚紗相過多兩個月先影，等Alankeep吓先。」
採訪：JessicaNgan、LawWaiMan（澳門）
攝影：DickyChan、EdwardChou（澳門）
