自由黨差點上演逼宮，田大少本來心甘命抵唔做主席，唔戀棧權位。誰知黨內殺出個大嘴巴，慌死田大少賴死唔走，不惜落井下石，叫他早唞，千祈唔使諗「垂簾聽政」做太上皇。此人叫做「大狀」，但有佢講冇人講，為政不在多言，話一多了，就露破綻。這位「大狀」興過了頭漏嘴說，自由黨今後根本不必再直選，做好功能組別，做好生意就得。擺明替西環傳音，寄語各位世祖少爺，直選冇你碇企，別說配票，就算乞，也不會給你。
阿爺因何要閘住商界從政呢，講到尾，又係共產黨得勢時做得損人事太多，對商家尤其忘情失義，商界和有個錢傍身的小生意人是共產黨打天下的犧牲品。時移世易，中南海對商家特別寬容，只是表面和諧，實則時刻害怕商界挾金造反，顧忌生意佬復仇，六十年未晚。田少湊巧因為23條臨時倒戈敗了葉劉好事，當年被捧為良知老闆，直選高票入局。西環那邊打好晒田少小報告，今鋪還想捲土重來的話，就是當那批辦公室主任盲毛契弟了。田少out，葉劉in，同人唔同23條命。有人說假如田少出戰的是港島區，撼葉劉，有得砌。下屆吧，田家哥兒倆攜手嗆票，每天去中聯辦門口唱雙簧唱衰這個招牌！