今年係日本一代大導演黑澤明逝世10周年紀念，日前喺美國洛杉磯舉行嘅回顧展，公告2010年喺美國舉行一連串黑澤明誕生100周年嘅紀念活動，日本樂隊XJAPAN隊長YOSHIKI會擔任活動音樂總監，至於黑澤明名作《羅生門》會被荷李活翻拍，預計2010年上映。另外，黑澤明生前最後撰寫而未被拍攝成電影嘅劇本《黑死病的面具》，都會製作成動畫。