公仔箱小生「玉樹」，其實喺舊年台慶頒獎禮嗰陣，已經成日放聲氣話自己好恨攞獎，可惜佢做嗰套《大龍鳳》嘅角色好乞人憎，就算佢搵埋高層親戚「老夫人」幫手，都係分到個豬肉獎咋！
今年輪到部《家嘈屋閉》，玉樹終於做番好人角色，佢梗係諗住好有機會可以攞番個視帝獎座嚟威威，但偏偏個角色好似大茄喱啡咁，冇乜發揮機會之餘，連一班同組嘅老戲骨演員都冇一個肯企出嚟撐佢。
郁身郁勢
唔單止係咁，嗰班老戲骨仲私底下笑玉樹唔識做戲，每講一句對白都要郁身郁勢好誇張，所以有幾位老人家開工時悶悶哋，都忍唔住扮玉樹做戲嚟自娛一番㖭！
Textby關仁
