無綫劇集《少年四大名捕》昨日在荃灣舉行宣傳活動，林峯、吳卓羲、陳鍵鋒、馬國明、徐子珊和李詩韻等齊以古裝造型出席，吸引逾百觀眾圍觀，其中以林峯的fans聲勢最勁，陳鍵鋒也很受歡迎，吳卓羲則反應平平。不過當司儀林嘉華介紹秦煌、雪妮和駱應鈞等資深演員出場時，林峯的fans竟發出噓聲。
「我係低層」
陳鍵鋒表示今日會與無綫總經理陳志雲到冰島拍攝特輯《冰天動地》，問他是否被陳志雲欽點，他說：「我唔知道喎，我只係微小嘅低層，可能覺得我啱做先搵我。」
一眾演員齊玩雜耍，分批扮劈板娛賓，憑演《溏心風暴之家好月圓》成為風頭躉的林峯風騷到痹，即使被老友吳卓羲和林嘉華兜口兜面掟波，一樣任玩唔嬲。
現場有fans向林峯送上一個古裝cute版公仔，林峯說：「佢哋次次都有做呢種公仔，不過我都係第一次收到。」若他榮升視帝，fans會否為他製造攞獎公仔？他即時一臉尷尬笑說：「唔好玩我啦，我對呢部劇有信心，都寄望收視會有好成績。」
採訪：何慧斯 攝影：黃偉雄
