雷曼兄弟破產之後，華爾街又多咗人失業，當中仲有唔少華人精英。呢個消息對祖國嘅金融機構嚟講，可能係好事。
話說祖國嘅金融機構，無論國營或者民營，一直都好缺國際金融人才。原因係祖國金融市場冇外國咁成熟，本土人才經驗不足等。花旗國呢一次金融危機，正好間接令到金融人才回流我哋祖國。
高層親往招兵買馬
華華噚日睇到新浪財經報道話，好多國內金融機構高層已經把握機會，豐厚回報不在話下，更親自飛過花旗國招兵買馬，誠意十足。報道引述國內一家知名保險公司嘅人力資源總監講，最吃香嘅係有豐富實戰經驗，對國際金融市場同埋國內金融產品規則都清楚了解嘅高級人員。
良禽擇木而棲，華華覺得，祖國經濟前景好過美國，機遇比美國多，都係令到華爾街金融圈華人願意減薪返嚟祖國幫手嘅原因。