美國政府準備投入超過5萬億港元救市，消息刺激歐美股市上周五狂升，港股喺美國嘅ADR亦升咗唔少，今日恒指早段升上20000樓上應該冇問題，但是尾市可能有回吐。
美國銀行股上周五勁升，今日滙控（005）應該會挾高，H股升勢未完，六行三保會繼續炒上，其他可以留意嘅股份有基建股同煤炭股，可以小注買啲C輪短炒。
兗煤C輪2481：兗煤（1171）上周五收10.28元，下個目標價11.40元，破位睇12.70元，可以諗吓隻C輪2481，隻輪現價31仙，槓桿率3.3倍（有效2.4倍）。正股升上12.70元，2481可見50仙，正股跌穿9.40元就沽咗隻輪止蝕。
俊樺